روستای تاریخی بند امیر

قصه های روستا

1-    جیجیلیمه باخ ،  جیجیلیمه

  بیر وارودو بیر یوخودو، خدا دان سِوای هئچ کس یُخودو ،  بیر قوش واردو کول لوکده اشینیردی ، بو اشینماخدا بیر چَتَل تاپدو ، آپاردو پام مّوخ چاپان یانونا دِدی ، بونوچاپ،   پامّوخ چاپان ددی چاپ مام  . قوش ددی وورّام  هلاجوی سینر . پامّوخ چاپان قابول ائیله دی چاپدو .

گددی قری ننه یانونا ددی بو پام موخ لاری منه اگیر . ددی اولماز من اگیره بیلمم. قوش ددی  وورّام دوکو ی سینَر .قری مجبوراولده آلدو اگیردی .قوش ایپلیک لری  آلدو آپاردو بِز توخویان یانونا،  دِدی بولاردان  منه پارچا توخو. بِز توخویان ددی وقتیم یوخ توخویا بیلمم. قوش  ددی وورام دستگاهوی سینَر . بِز توخویان مجبوراولدو آلدو پاموخ لارو،  قوشا  بِز توخودو.  قوش بِز لری آلدو گددی خیاط یا نونا ، دِدی خیاط عمی منه بو بِزلردن بیر کُت  تیکگینن. خیاط ددی باشوم شولوخدو تیکه بیلمم، قوش ددی وورّام چرخیی سینَر. خیاط ناچاراولدو پارچا نوآلوب قوشا بیر کُت تیکدی . قوش اوردان گدّی دوکمه تیکن یانونا ، ددی بو دونا دوکمه تیک ، دوکمه تیکن ددی ایشیم چوخدو تیکه بیلمم. قوش ددی وورّام اینی ی سینَر . دوکمه تیکن ، مجبور اولدو دونو آلوب دوکمسین تیکدی . قوش کُتوآلدو گییدی ،اوچدو گِتددی آقا^[1]چ باشونا . اوردا اوزونه گووندی^[2] ، ننه سینه ددی ؛

 جیجیلیمه باخ ،  جیجیلیمه         گل گوجومه باخ ، گل گوجومه

پامموخ چاپانو ، وورموشام          قری ننه نی سئوگموشم 

پارچا حئورنی دوگمیشم           خیاطو پیس قورخوتموشام

دوگمه تیکن ، اون نان بتَر        گئور نئجه کُت تیکدیرمیشم

جیجیلیمه باخ ،  جیجیلیمه      گل گوجومه باخ ، گل گوجومه

ائو طرفدن قارقاگلدی، بیر دومّوک ووردو ،کُتو جیردی ،آپاردو  .قوش قالدو آقلایا ، آقلایا.

گلدی ننه سی یانونا ، ننه سی ددی ؛

آقلاما بالام ، آقلاما بالام     ائورگیم باشون ، داغلاما ، بالام

اکن بیچر ، اکدیگینی       آلان وِرر ، آلد یگینی